شعبہ حفظ
آپ ﷺ کا ارشاد ہے ” تم میں سے بہتر وہ ہے جو قرآن سیکھے اور سکھائے”۔ کسی بھی شخص کو مسلمان ہونے کے ناتے قرآنِ کریم کی تلاوت ، حفظ اور ترجمہ و تفسیر سیکھنے سے کس قدر قلبی شغف و لگاؤ ہو سکتا ہے وہ کسی سے مخفی نہیں ۔ اقرا ام الکتاب میں ابتدا سے ہی شعبہ حفظ قائم کیا گیا، جس میں بچوں کو قواعد تجوید کے مطابق صحیح تلفظ کیساتھ قاعدہ و ناظرہ قرآن پاک پڑھایا اورحفظ کرایا جاتا ہے۔ ۔ بچوں کو مناسب سہولیات اورصاف ستھرا ماحول فراہم کیا جاتا ہے، مار پیٹ کے بغیربچوں کی اصلاح و تربیت کا خصوصی اہتمام کیا جاتا ہے۔معمول کی پڑھائی کے ساتھ ساتھ کلاسز میں بچوں کو باقاعدہ آداب معاشرت کی تعلیم دی جاتی اور سنت نبویﷺ سے اپنے آپ کو آراستہ کرنے کی ترغیب بھی دی جاتی ہے
علاوہ ازیں پڑھائی کے معیار میں بہتری لانے کےلیے درجہ ذیل امور کا اہتمام کیا جاتا ہے۔
طالب علم کی روزانہ کی پڑھائی، نمازاور صفائی کی تفصیل کو باقاعدہ ایک ڈائری پر نوٹ کیا جاتا ہے ۔
اگلے پارے کی ابتدا سے پہلے تکمیل کردہ پارے کا باقاعدہ امتحان لیا جاتا ہے۔
حفظ کے معیار کو بہتر کرنے کےلیےروزانہ اور ہفتہ وار ٹیسٹ کا اہتمام کیا جاتا ہے۔
تمام اہم امور میں والدین سے مکمل مشاورت لی جاتی ہے۔
تعلیم و تربیت میں شائستگی کا خیال رکھا جاتا ہے اور مار پیٹ پر مکمل پابندی لگائی گئی ہے۔
سی سی ٹی وی کیمروں کے ذریعہ طلباء اور کلاسوں کی مکمل نگرانی ہوتی ہے۔
ماہانہ مطلوبہ ہدف کے حصول اور زیادہ مقدار خواندگی پر انعامات کے ذریعےحوصلہ افزائی کی جاتی ہے۔
بچوں کوسردی میں ہیٹرز اور گرمی میں ایئر کنڈیشنز کی سہولت فراہم کی جاتی
حفاظ کورسز (پانچ سالہ کورس عربی انگلش لینگوئیج) بہت جلد
حفظِ قرآن کریم کا شرف حاصل کرنے والے وہ بچے جنہوں نے پرائمری تک عصری تعلیم حاصل کرلی ہو، اور آگے مزید دینی وعصری تعلیم حاصل کرنے کے خواہشمند ہوں، ان کے لیے پانچ سالہ حفاظ کورس اپنی نوعیت کا منفرد كورس ہے ، جس میں شریک بچہ پانچ سال کے قلیل عرصے میں میٹرک تک عصری تعلیم کے ساتھ ساتھ دینی تعلیم بھی حاصل کرلیتا ہے، عربی، اور انگریزی زبان سیکھنےکے ساتھ ساتھ حفظ الحدیث کی سعادت سے بھی بہرہ مند ہوجاتا ہے۔
دوعالمی زبانوں(عربی ،انگلش)میں تحریروتقریرکی صلاحیت
پنجاب بورڈ سےمیٹرک تک کی عصری تعلیم
مکمل عربی انگلش ماحول/فزیکل فٹنس
دینی، اخلاقی ومعاشرتی تربیت
خوشخطی پر خصوصی توجہ
اساتذہ کی نگرانی میں منزلِ قرآن کی یومیہ دہرائی و رپورٹ
شعبہ تجوید
کلام الہی کے معانی کے ساتھ اس کے الفا ظ کی حفاظت اور درست ادائیگی وتلفظ کو معاشرے میں رواج دینے کی اہمیت سے کوئی انکار نہیں کر سکتا۔ ” اقرا ام الکتاب“ میں حفظ و ناظرہ کے علاوہ تجوید کا ایک علیحدہ مستقل شعبہ قائم کیا گیا ہے، جس میں حفاظ کرام اور علماء عظام کو تجوید وقرأت کا کورس کرایا جاتا ہے، تجوید کے طلبہ کو قواعدکی عملی مشق، حسن قرأت پر توجہ ، حدر وترتیل میں تلاوت کا سلیقہ اور فن تجوید میں لکھی گئی کتب تفصیل سے پڑھائی جاتی ہیں۔
خصوصیات
ماہر قاری سے مشق ،بہترین مجوّد اساتذہ کی نگرانی ۔
فردا فردا حدر سننے کا اہتمام ۔
منزل کی پختگی کے لیے نوافل میں قرآن پاک سننے سنانےکی پابندی۔
وقتاً فوقتا مشہور قراء کرام کو امتحانات کے لیے مدعو کرکے ان کے تجربات سے استفادہ کرنے کا اہتمام۔
ہفتہ وار بزم قرآن کا انعقاد۔
قرأت کے مختلف مقابلوں میں طلبہ کی شمولیت۔
مختلف لہجات کی خصوصی مشق۔
ذہنی نشوونما کے لیے ماہانہ سپورٹس ڈے کا اہتمام ۔
فل ساؤنڈسسٹم کیساتھ۔
ملٹی میڈیا کا استعمال کرتے ہوئے لب ولہجہ پر خصوصی توجہ
تعارف
اس شعبہ کے تحت دو کورس کروائے جاتے ہیں
۱۔تجوید للحفاظ طلباء وطالبات (دو سالہ کورس)
) ۲۔تجوید للعلماء (یک سالہ کورس
